I gat olgeta disisen we Kaonsel blong ol Minista i mekem blong givimaot olgeta tul mo trakta blong wok mo bot blong fising, hemia tru long Ministri blong Agrikalja, Laefstok, Forestri, Fisheri mo Baeosekuriti (MALFFB).

Wan long olgeta disisen blong olgeta Minista ia i talem se yu MAS rejista olsem wan memba blong Vanuatu Primary Producers Authority (VPPA) blong yu save aplae from olgeta tul mo trakta mo fising bot tru long Sabsidi program blong Gavman we MALFFB i stap givimaot.

Yu we yu aplae yu mas save gud se VPPA I NO HOLEM OLGETA MANI BLONG SABSIDI, VPPA I NO PEM, mo VPPA I NO STAP GIVIMAOT OLGETA TUL MO TRAKTA MO FISING BOT. Hemia hemi wok we MALFFB mo olgeta Dipatmen blong Agrikalja, Laefstok, Forestri, mo Fisheri olgeta i stap mekem. Spos yu wantem save infomesen long aplikesen blong yu from olgeta samting we yu aplae from, yu MAS go askem stret long olgeta 4 dipatmen ia.